राहुरी तालुक्यातील एका संवेदनशील व बहुचर्चित प्रकरणाला सोमवारी (दि. 23) नवे वळण मिळाले. राहुरी पोलीस ठाण्याच्या आवारातच एका 43 वर्षीय व्यक्तीने विषप्राशन करून आत्महत्येचा प्रयत्न केल्याची धक्कादायक घटना घडली. दुपारी सुमारे 2 वाजण्याच्या सुमारास घडलेल्या या प्रकारामुळे परिसरात मोठी खळबळ उडाली.
राहुरी तालुक्यातील पाथरे खुर्द येथील अच्युत गोपीनाथ साळे (वय 43) असे विष प्राशन केलेल्या इसमाचे नाव आहे, त्याने अचानक राहुरी पोलीस ठाण्याच्या आवारातच विषप्राशन केले. तातडीने पोलिसांनी त्याला राहुरी ग्रामीण रुग्णालयात दाखल केले. मात्र प्रकृती गंभीर असल्याने पुढील उपचारासाठी त्याला श्रीरामपूर येथील रुग्णालयात हलविण्यात आले असून उपचार सुरू आहेत.
