महाराष्ट्रात दिवसेंदिवस उन्हाचा चटका आणि असह्य उकाडा प्रचंड वाढत चालला आहे. संपूर्ण राज्य चातकासारखी मान्सूनची वाट पाहत असतानाच, आता एक चिंतावणारी बातमी समोर आली आहे. प्रशांत महासागरात एल निनो सक्रिय झाल्यामुळे यंदा मान्सूनच्या प्रवासात मोठा अडथळा निर्माण झाला आहे.
परिणामी, २६ मे रोजीच केरळमध्ये दाखल होणारा मान्सून अजूनही वाटेतच अडकून पडला आहे. हवामान विभागाने केरळमधील मान्सूनच्या आगमनाची कोणतीही नवीन तारीख अद्याप जाहीर न केल्याने शेतकरी आणि सर्वसामान्यांची धाकधूक चांगलीच वाढली आहे.
एकीकडे मुख्य मान्सून लांबणीवर पडला असताना, दुसरीकडे मात्र राज्याच्या काही भागांत मान्सूनपूर्व पावसाने आणि गारपिटीने धुमाकूळ घातला आहे. हवामान खात्याच्या अंदाजानुसार, महाराष्ट्रात ११ जूनपर्यंत मुख्य मान्सूनचा पत्ता नसला, तरी ३ जूनपासून कोकण, गोवा आणि मध्य महाराष्ट्रात विजांच्या कडकडाटासह जोरदार पाऊस पडण्याची शक्यता आहे.
मात्र, दुसरीकडे विदर्भाला पुढील ४८ तास उष्णतेच्या लाटेचा तीव्र इशारा देण्यात आला असून विकेंडला विदर्भातील नागरिकांचे उन्हाने ‘घामटं’ निघणार आहे. त्यामुळे नागरिकांनी दुपारच्या वेळी घराबाहेर पडणे टाळावे, असा सल्ला देण्यात आला आहे.
महाराष्ट्रात उकाडा दिवसेंदिवस जास्त वाढत आहे. अजूनही मान्सूनचा पत्ता नाही. मात्र काही ठिकाणी मान्सून पूर्व पावसाने आणि गारपिटीनं धुमाकूळ घातला आहे.
केरळमधील मान्सून आगमनासाठी हवामान विभागाने अजून कोणतीही नवीन तारीख जाहीर केलेली नाही. त्यामुळे शेतकरी आणि मान्सूनची वाट पाहणाऱ्यांची चिंता वाढली आहे. प्रशांत महासागरात एल निनो सक्रिय झाल्यामुळे त्याचा परिणाम हवामानावर झाला आहे.
मान्सूनच्या प्रवासात अडथळा आल्याने 26 मे रोजी केरळला येणारा मान्सून अजूनही अडकलाच आहे. तो केरळपर्यंत पोहोचलाच नाही. 11 जूनपर्यंत किनारपट्टी भागात आणि राज्याच्या अंतर्गत होणाऱ्या पावसाबाबत अजूनही IMD कडून अपडेट आलेली नाही. मात्र जूनच्या दोन आठवड्यात पाऊस अगदी हलक्या ते मध्यम स्वरुपाचा राहील. 4 ते 11 जून किनारपट्टीभागात मुसळधार पाऊस आणि ऊन असा खेळ पाहायला मिळू शकतो.
११ जूननंतर संपूर्ण महाराष्ट्रात कमी अधिक प्रमाणात मान्सूनचा पाऊस येण्याची शक्यता आहे. मात्र यंदा सरासरीपेक्षा कमी पाऊस होईल असा प्राथमिक अंदाज वर्तवण्यात आला आहे. 3 जून रोजी कोकण, गोवा आणि मध्य महाराष्ट्र या भागांमध्ये विजांच्या कडकडाटासह पाऊस पडेल असा प्राथमिक अंदाज व्यक्त केला जात आहे.
त्यानंतरच्या आठवड्यात मान्सूनचे वारे दक्षिण भारताचा काही भाग व्यापण्याची शक्यता आहे. 4 ते 11 जून या काळात कोकणात पावसाचा अंदाज व्यक्त करण्यात आला आहे. त्याआधी मान्सूनपूर्व पाऊस आणि गारपीट मराठवाडा आणि मध्य महाराष्ट्रात धुमाकूळ घालेल असा अंदाज वर्तवण्यात आला.
विदर्भात 48 तास हिटवेवचा अलर्ट दिला आहे. विदर्भात विकेण्डला घामटं निघण्याची शक्यता आहे त्यामुळे घराबाहेर पडू नका, असा इशारा देण्यात आला आहे.
