फक्त ४ टक्के व्याजदराने मिळेल ३ लाख रूपयांपर्यंत कर्ज, कोण आहे पात्र, वाचा…..

किसान कर्ज पोर्टलद्वारे किसान क्रेडिट कार्ड (KCC)धारकांना तारण न देता आणि अनुदानासह कर्ज मिळते. किसान क्रेडिट कार्डद्वारे, शेतकरी त्यांच्या कृषी उद्देशांसाठी किंवा त्यांच्या गरजांसाठी अत्यंत स्वस्त दरात कर्ज घेऊ शकतात.

केसीसीद्वारे मिळणारे कर्ज सवलतीच्या व्याजावर दिले जाते. जे शेतकरी या कार्डद्वारे कर्ज घेऊन वेळेवर परतफेड करतात त्यांना विशेष सवलतदेखील मिळते.

काय आहे किसान क्रेडिट कार्ड

किसान क्रेडिट कार्ड योजना ही शेतकऱ्यांसाठी राबवण्यात येते. शेतीच्या कामांसाठी शेतकऱ्यांना आर्थिक मदत लागली तर ते याच्या माध्यमातून सहज कर्ज घेतील. या योजनेच्या मदतीने शेतकऱ्यांना बियाणे, खते, कीटकनाशके किंवा शेतीची उपकरणे खरेदी करता येतात. या क्रेडिट कार्डद्वारे शेतकऱ्यांना कोणत्याही हमीशिवाय १.६ लाख रुपयांचे कर्ज दिले जाते. याद्वारे शेतकरी ३ वर्षात ५ लाख रुपयांपर्यंत कर्ज घेऊ शकतात.

या कार्डद्वारे शेतकरी गरजेनुसार कर्ज घेऊ शकतात. या किसान क्रेडिट कार्डची वैधता ५ वर्षे असते. ज्या शेतकऱ्यांकडे केसीसी म्हणजे किसान क्रेडिट कार्ड असेल त्यांना गावातील कोणत्याही सावकाराकडे पैसे मागण्याची गरज नाहीये.

शेतकरी किसान क्रेडिट कार्डद्वारे ५ वर्षांत ३ लाख रुपयांपर्यंतचे अल्प मुदतीचे कर्ज घेऊ शकतात. शेतकऱ्यांना ९ टक्के दराने कर्ज मिळते, मात्र सरकार त्यावर २ टक्के अनुदान देते. यानुसार त्यावर ७ टक्के व्याजदर होत असते. जर शेतकऱ्यांनी वेळेवर कर्जाची परतफेड केली तर त्यांना आणखी ३ टक्के सूट दिली जाते. अशाप्रकारे कर्जावर फक्त ४ टक्के व्याज भरावं लागतं.

क्रेडिट कार्डसाठी अर्ज कसा करावा

सर्वात आधी https://pmkisan.gov.in/ या अधिकृत संकेतस्थळवर जावे लागेल.

येथे किसान क्रेडिट कार्डचा अर्ज डाउनलोड करावा.

या अर्जात तुम्हाला जमिनीचे कागदपत्रे आणि पिकांची माहिती भरावी लागेल.

तसेच तुम्ही इतर बँक किंवा इतर शाखेकडून दुसरे कोणते किंवा किसान क्रेडिट कार्ड बनवलं आहे का नाही हे सांगावे लागेल.

अर्ज भरल्यानंतर सबमिट करा.

त्यानंतर तुम्हाला संबंधित बँकेकडून किसान क्रेडिट कार्ड मिळेल.

कागदपत्रे

मतदार ओळखपत्र

पॅन कार्ड

पासपोर्ट

आधार कार्ड