आंध्र प्रदेशमध्ये काँग्रेसला मोठा धक्का बसला असून माजी मुख्यमंत्री किरण कुमार रेड्डी (Kiran Kumar Reddy resigns) यांनी पक्षाला रामराम केला आहे. 11 मार्च रोजी काँग्रेस अध्यक्ष मल्लिकार्जुन खरगे यांना पत्र लिहून सदस्यत्वाचा राजीनामा दिला होता.रेड्डी हे अविभाजित आंध्र प्रदेशचे शेवटचे मुख्यमंत्री होते.
किरण कुमार रेड्डी आगामी काळात ते भाजपमध्ये प्रवेश करण्याची शक्यता आहे. भाजप हायकमांडसोबत ते संपर्कात असल्याची माहिती मिळतेय. भाजप नेत्यांसोबत त्यांच्या बैठकाही पार पडल्याची चर्चा आहे.
किरण कुमार रेड्डी यांच्या राजीनाम्यानंतर काँग्रेसने उद्विग्न प्रतिक्रिया दिली आहे. ज्यांनी पक्षाकडून सर्व काही मिळवले आणि आंध्र प्रदेशमध्ये काँग्रेसला संपवण्याचे काम केले त्यांनी आता भाजपमध्ये जावे. असे मत काँग्रेस खासदार मणिकम टागोर यांनी व्यक्त केले.
