मुंबई : अजित पवार यांच्या कथित बंडाच्या पार्श्वभूमीवर महाविकास आघाडीतही धुसफूस निर्माण झाली आहे. शिवसेना उद्धव बाळासाहेब ठाकरे या पक्षाचे नेते आणि खासदार संजय राऊत यांनी रविवारी सामना दैनिकातील रोखठोक सदरात केंद्रीय तपास यंत्रणांकडून राष्ट्रवादीच्या नेत्यांवर पक्षांतरासाठी दबाव आणण्यात येत असल्याचा दावा केला होता. तसंच अजित पवारांनी याबाबत खुलासा करावा, असं म्हटलं होतं.
राऊत यांच्या या भूमिकेवर टीका करताना अजित पवार यांनी नाव न घेता इतर पक्षातील लोकांनी आमचे प्रवक्ते होण्याचा प्रयत्न करू नये, असा टोला लगावला. त्यावर संजय राऊत यांनी पुन्हा प्रत्युत्तर देत आम्ही महाविकास आघाडीचे चौकीदार असल्याचं सांगितलं.
याबाबत आज पत्रकारांनी प्रश्न विचारला असता अजित पवार आपल्या तिरकस शैलीत म्हणाले की, ‘कोण संजय राऊत? मी त्यादिवशी बोलताना कोणाचंही नाव घेतलं नव्हतं. त्यामुळे कोणी ते आपल्या अंगाला चिटकून घेण्याची गरज नाही.
