धक्कादायक! सख्खा चुलत बहीणींची आत्महत्या, साकूरमध्ये खळबळ 

अधिक मिळालेली माहिती अशी की, साकूर शिवारातील बन वस्ती येथे सगळगिळे कुटुंब राहत आहे. सगळगिळे कुटुंबातील सदस्य शनिवारी शेतात कामाला गेले होते. तसेच तन्वी अजित सगळगिळे व मानसी राजेंद्र सगळगिळे या दोघी घरीच होत्या. मात्र दुपारी चारनंतर तन्वी ने एकाघरात व मानसीने दुसऱ्या घरात गळफास घेतल्याचे समोर आले. यात मानसी इयत्ता नववीत शिक्षण घेत होती. या घटनेत मानसीने गळफास घेतल्याची माहिती समजताच आसपासच्या काही व्यक्तींनी तीला तातडीने साकूर येथील ग्रामीण रुग्णालयात दाखल करण्यात आले होते मात्र तीचा मृत्यू झाला.

या घटनेची माहिती मिळताच घटनेची माहिती मिळताच घारगाव पोलिस ठाण्याचे वरिष्ठ पोलीस निरीक्षक हेमंत थोरात, पोलिस उपनिरीक्षक गांधले, पोलिस कॉन्स्टेबल प्रमोद गाडेकर, सुभाष बोडखे यांनी घटनास्थळी धाव घेतली. यावेळी पोलिसांनी घटनेचा पंचनामा केला. त्यानंतर रूग्णवाहिकेला पाचारण करून दोघींचे मृतदेह शवविच्छेदनासाठी संगमनेर येथील कुटिर रूग्णालयात पाठविण्यात आले.

मात्र तन्वी आणि मानसीने एकाच वेळी असे टोकाच पाऊल का उचलले? अशी चर्चा घटनास्थळी सुरू होती. मात्र दोघीही अल्पवयीन असल्याने पोलिसांनी कसून चौकशी सुरू केली. मात्र ऐन अनंत चतुर्दशीच्या दिवशी ही घटना घडल्याने पठार भागात शोककळा पसरली आहे. दरम्यान या घटनेबाबत घारगाव पोलिस ठाण्यात अकस्मात मृत्यूची नोंद करण्यात आली.