Ahmednagar : भरधाव मालट्रकने आजीबरोबर रस्त्याने पायी चाललेल्या तीन वर्षांच्या बालिकेला धडक दिल्याने तिचा जागीच मृत्यू झाला.
ही घटना नगर तालुक्यातील पांगरमलच्या शिवारात पांढरीपूल ते मिरी रस्त्यावर गुरुवारी (दि.2) सायंकाळी 5 च्या सुमारास घडली. आराध्या योगेश जाधव (वय 3) असे मयत बालिकेचे नाव आहे. याबाबत एमआयडीसी पोलिस ठाण्यातील पोलिस नाईक गणेश कावरे यांनी फिर्याद दिली आहे.
आराध्या ही गुरुवारी (दि.2) सायंकाळी 5 च्या सुमारास शेतातून घराकडे आजीबरोबर रस्त्याने पायी चालली होती. त्यावेळी मिरीकडून पांढरीपूलच्या दिशेने भरधाव चाललेल्या मालट्रकने (क्र.एमएच 14 एएस 9795) तिला जोराची धडक दिली. या धडकेत तिचा जागीच मृत्यू झाला.
