पारनेर(DSNews24/संतोष कोरडे) प्रतिजेजुरी म्हणून नावलौकिक असलेल्या पिंपळगाव रोठा येथील श्री क्षेत्र कोरठण खंडोबा येथे वार्षिक यात्रोत्सवाच्या निमित्ताने १७ जानेवारी ते २४ जानेवारी या कालावधीत अखंड हरिनाम नाम सप्ताह आयोजन करण्यात आले आहे.
वैकुंठवासी तुकाराम महाराज शास्त्री यांच्या प्रेरणेने व कृष्णकृपांकित हभप डॉ विकासानंद मिसाळ महाराज यांच्या मार्गदर्शनाखाली या सप्ताहाचे आयोजन करण्यात आले असल्याची माहिती देवस्थानचे अध्यक्ष सौ शालिनी घुले यांच्यासह उपाध्यक्ष महेश शिरोळे व विश्वस्त राजेंद्र चौधरी यांनी दिली आहे. या सप्ताहा दरम्यान पहाटे ४ ते ६ काकडा भजन ५ ते ६ वाजता हरिपाठ ७ ते ९ वाजता हरि किर्तन होणार आहे.
यानिमित्ताने विविध धार्मिक कार्यक्रमांचे आयोजन पण करण्यात आले असून महाराष्ट्रातील अनेक नामवंत कीर्तनकारांची कीर्तने या सप्ताहांमध्ये होणार आहे.
यामध्ये प्रामुख्याने १७ जानेवारी रोजी बीड येथील ह भ प संतोष महाराज वनवे १८ जानेवारी रोजी धारूर येथील ह भ प प्रकाश महाराज साठे १९ जानेवारी रोजी भिगवण येथील ह भ प विकास महाराज देवडे २० जानेवारी रोजी गेवराई येथील ह भ प अक्रूर महाराज साखरे २१ जानेवारी रोजी आष्टी येथील ह भ प सुनील महाराज झांबरे २२ जानेवारी रोजी पैठण येथील ह भ प शिवानंद जी महाराज शास्त्री २३ जानेवारी रोजी हिंगोली येथील हभ प सोपान महाराज सानप तर २४ जानेवारी रोजी सकाळी १०.३० वाजता परभणी येथील ह भ प बाळू महाराज गिरगावकर यांच्या कालाचे कीर्तनाने सप्ताहाची सांगता होणार आहे.
तरी या धार्मिक कार्यक्रमांचा लाभ घ्यावा असे आवाहन पांडुरंग गायकवाड सचिव जालिंदर खोसे खजिनदार तुकाराम जगताप चिटणीस कमलेश घुले,अशोक घुले,विश्वस्त राजेंद्र चौधरी, चंद्रभान ठुबे, सुवर्णा घाडगे, सुरेश फापाळे, रामदास मुळे, महादेव पुंडे धोंडीभाऊ जगताप, दिलीप घुले यांनी देवस्थानच्या वतीने केले आहे.
लाखो भाविकांचे श्रद्धास्थान असलेल्या श्री क्षेत्र कोरठण खंडोबाच्या वार्षिक यात्रोत्सवा निमित्ताने अखंड हरिनाम सप्ताहाचे आयोजन करण्यात आले असून यामध्ये महाराष्ट्रातील अनेक नामवंताची कीर्तने आयोजित करण्यात आलेली आहे. या अगोदर वार्षिक यात्रा उत्सवाच्या काळातच सप्ताहाची परंपरा चालत आली होती. परंतु मध्यंतरी चंपाषष्ठीच्या काळात सप्ताहाचे आयोजन करण्यात येत होते परंतु गावातील वारकरी संप्रदायातील हभप नाथा भांबरे चेअरमन पोपट सुपेकर बबन भांबरे महादू घुले मार्तंड जगताप यांच्यासह वारकरी संप्रदायाच्या विनंतीनुसार वार्षिक यात्रोत्सवाला सप्ताहाची जोड दिली असल्याचे माजी सरपंच अशोकराव घुले यांनी सांगितले.
